Një 32-vjeçar u arrestua nga policia, pasi ushtroi dhunë ndaj mjekut të spitalit.
Burime zyrtare bëjnë të ditur se 32-vjeçari me inicialet A.K. kishte shkuar në spitalin e Peqinit dhe nën efektin e alkoolit ushtroi dhunë ndaj mjekut Y.T.
Pas marrjes së njoftimit, Policia e Peqinit shkoi menjëherë në vendngjarje, ku bëri arrestimin në flagrancë të autorit.
Me ndryshimet e reja në Kodin Penal, që tashmë kanë hyrë në fuqi, dhunimi i mjekëve konsiderohet vepër penale dhe dënohet me burg deri në tre vjet.
