Renato Mekolli është tashmë një emër i njohur në gastronomi jo vetëm në Shqipëri, por edhe më gjerë.
Chef Renato Mekolli është i pranishëm në Shqipëri me restorantin e tij “Umami by Renato Mekolli”, një prej restoranteve më të parapëlqyera dhe më të vlerësuara nga ata që kanë shijuar pjatat e tij plot detaje e shije të veçanta. Për 3 sezone me radhë ka qenë pjesë e formatit të dashur MasterChef Albania dhe tashmë është drejtues i Hell’s Kitchen, një tjetër projekt i madh televiziv për botën e gastronomisë në Shqipëri.
Libri i tij i parë “Sekretet e shijes” vazhdon të jetë një ndër më të suksesshmit e kësaj fushe. Këtë herë ai vjen për ju me librin e tij të dytë “50 Shijet e Pastave”
Kamera e “Thumb On” me gazetarin Ronaldo Sharka shkuan në Panairin e Librit ku kishin qëllim të fusnin ‘në grackë’ disa prej personazheve të ekranit shqiptar.
Njëri prej tyre ka qenë dhe Renato Mekolli ku gazetari ngatërroi librin e tij me atë të Arbanës .
Ronaldo Sharka: Mua libri juaj “Receta për 5 minuta” më ka pëlqyer shumë.
Renato Mekolli: Recetë për 5 minuta? Nuk ka libër që të bëhen receta për 5 minuta. Është e pamundur. “Unë kam nxjerrë ‘Sekretet e shijes’ dhe ’50 shijet e pastave”.
Ronaldo Sharka: Nuk e keni bërë ju“Receta për 5 minuta”?
Renato Mekolli: Kush e ka bërë këtë? Nuk e di, 5 minuta? Unë sa futem në kuzhinë dua 1 orë, u përgjigj Renato duke qeshur.
