Raportohet se konteinerë me gaz toksik janë derdhur në një qytet sirian gjatë natës, afër vendit ku dje u rrëzua një helikopter rus.
Rreth 33 njerëz, shumica e të cilëve fëmijë dhe gra, janë prekur nga sulmi me gaz në Saraqeb, kështu ka thënë për Reuters një zëdhënës i grupit të Mbrojtjes Civile Siriane.
Ky grup, i cili e përshkruan veten si një grup natyral i vullnetarëve për kërkim shpëtim, ka postuar një video në YouTube, ku shfaqet një person me probleme në frymëmarrje të cilit njerëz në uniforma të mbrojtjes civile i japin një maskë oksigjeni.
Punëtorët e Mbrojtjes Civile Siriane, të cilët kanë shkuar në vend të ngjarjes, kanë thënë se dyshojnë se është klor, por nuk kanë mundur të verifikojnë llojin e gazit të përdorur.
“Cilindra të madhësisë së mesme kanë rënë [nga qielli] me përmbajtje gazi helmues. Mbrojtja Civile Siriane nuk ka qenë në gjendje të përcaktojë së çfarë lloji i gazit është,” tha zëdhënësi.
