Historiani Kastriot Dervishi ka publikuar një letër që i përket 10 nëntorit 1943, ku partizani Tahir Kadare, kërkonte mish të pjekur.
“Tahir Kadare, në një letër të datës 10.11.1943 që i drejtonte Dushan Mugoshës (“Saliu”), i cili po rropatej prej vitesh për “lirinë” e Shqipërinë, kërkonte bukë dhe mish.
Në fund, midis të tjerash shkruhet: “në qoftë se keni mishra dhe bukë, dërgonani, pse edhe nga këto kemi qenë keq. Mishrat po mundët, na i dërgoni të pjekura””, citonte Dervishaj një prej dokumenteve që kishte gjetur në arkivën e Ministrisë së Brendshme, që i referohej kohës së luftës.
Por, Silvana Kadare, mbesa e partizanit që kërkonte “mish të pjekur”, në një reagim të saj shprehet se Dervishi është një pseudo-historian, dhe balta e tij nuk mund të cënojë aspak figurën e nderuar të gjyshit të saj.
Por, në një tjetër reagim historiani Dervishi shprehet se ai nuk ka hedhur baltë mbi askënd, dhe ato që janë të dokumentuara për Tahir Kadarenë janë dhe më tronditëse se kërkesa për mish të pjekur.
“Histori me “shkarravinat” gyshit
Unë bëj të njohur një dokument arkivor, sipas së cilit partizani Tahir Kadare me shkrimin e tij, i kërkon Dushan Mugoshës mish qengji të pjekur në luftë, ku e ku me pulat e “ballistëve të kinostudios”.
Reagon mbesa përtej oqeanit e të përmendurit me një trakt komunist, me një varg sharjesh e lajthitjesh, përfshi gënjeshtrën e 28 mijëve, por asnjë fjalë kundërshtuese për dokumentin e cituar.
Thotë se është krenare për gjyshin, a thua se përbën argument kjo. Që ta dijë shoqja në fjalë, unë nuk merresh me histori gjyshash, tabela nderi, dhënie dekoratash, por me atë që ka ndodhur. Dokumenti që ka shkruar gjyshi quhet “një copë shkarravinë”, etj.
Të filloj unë për Tahir Kadanë me dokumente siç i ka shkruar vetë, për histori bixhozi, vrasjesh, etj, nuk di ku përfundoj pastaj. Sepse nuk jam marrë ndonjëherë me “figurën” e gjyshit të saj. Evidentimi i një fakti deri këtu shkon. Nëse e vërteta quhet “hedhje balte”, do vijoj ta hedh me kënaqësi atë, pa pyetur për nipat e mbesat “krenarë”. Sipas logjikës së këtij rasti, Tahiri i ka hedhur baltë vetes”, shkruan Dervishi.
