Në Vlorë, pastruesja “e besuar” e shtëpisë, i ka vjedhur të zotit mbi 4 milionë lekë. E po në Vlorë, një 30-vjeçar, i ka hyrë në shtëpi një moshatareje të tij dhe i ka grabitur përveç bizhuterive, edhe 3900 euro.
Policia e Vlorës njoftoi se në të dy rastet, autorët janë arrestuar.
E arrestuara e para është Roza Rustemaj, 53 vjeçe, banuese në Vlorë, e cila dyshohet se ka vjedhur në banesën e 43-vjeçarit S.N. në lagjen “Pavarësia”, 300.000 lekë dhe 1000 euro. Vjedhja ka ndodhur gjatë muajit korrik, kur ajo ishte e punësuar si sanitare në këtë shtëpi.
Në rastin e dytë, i arrestuari është Arben Dule, 30 vjeç, banues në Vlorë.
Arrestimi i tij u bë nga Shërbimet e Policisë pasi në bazë të veprimeve hetimore, dyshohet se Arben Dule ka vjedhur në shtëpinë e 32-vjeçares M.D.në lagjen “24 Maji”, 3900 euro dhe disa bizhuteri me vlerë.
