Ngjarja ka sjellë revoltën e të burgosurve ndaj edhe Drejtoria e Burgut të Shënkollit ka kërkuar mbështetjen e të tjera forcave policie që kanë mbërritur nga Laçi dhe Mirdita.
Gjatë natës së djeshme situata ka vazhduar të qëndrojë kaotike, pasi të burgosurit janë të vendosur në oborrin e godinës numër 1 dhe gjatë ditës së djeshme ata nuk mund të vendosen nëpër qeli, pasi shumë prej tyre janë shkrumbuar totalisht.
Zjarfikësve ju është dashur më shumë se 30 minuta operacion për të shuar plotëisht flakët e zjarrit, ndërsa në lidhje me ngjarjen kanë nisur menjëherë hetimet. Ekspertet e policisë kanë mbërritur pranë ambientëve të burgut, ndërsa të pranishem kanë qenë edhe prokuror të Lezhës. Shpërthimi i bombulës së gazit ka shkaktuar panik tek punonjesit dhe të burgosurit në Shënkoll të Lezhës.
Sapo kanë pikasur zjarrin disa prej të dënuarve të godines numër 1 kanë bërë thirje që gardianët e sigurisë së brendshme të hapnin dyert për ti shpëtuar flakëve.
Nga ana tjetër shpërthimi ka frikësuar edhe vetë punonjësit e burgut.Sipas burimeve menjëherë, sapo kanë dëgjur zhurma gardianët e burgut kanë qëlluar me armë në ajër. Mjediset e jashtme të burgut të Shënkollit janë rrethuar nga forca të shumta policie në të gjitha anët, deri në normalizimin e plotë të situatës.
