Betimi i Arta Vorpsit tek noterja si anëtare e Gjykatës Kushtetuese dhe jo tek Presidenti i Republikës, ka marrë edhe vëmendjen e eurodeputetes , Doris Pack. Nëpërmjet një statusi në Twitter ajo e cilëson betimin e saj antikushtetues. Pack deklaron se ajo që ka ndodhur është një absurditet drejtësie, kurse shton se BE duhet të veprojë.
“Ajo zgjodhi të betohet tek një noter, dhe jo tek presidenti i Republikës. BE duhet të veprojë.”-shkruan Pack.
***
Sipas ligjit, për të marrë detyrën, kandidatët duhet të betohen te Presidenti. Neni 129 i Kushtetutës e përcakton qartë se “Gjyqtari i Gjykatës Kushtetuese fillon detyrën pasi bën betimin para Presidentit të Republikës”. Por duke hasur refuzimin e Metës, Vorpsi ka zgjedhur një rrugë krejt të pazakontë: betimin te noteri.
Betimi i gjyqtares Arta Vorpsi është kryer pranë noteres Miranda Xhemalçe pasi kreu i shtetit u shpreh se nuk do ta betonte Vorpsin si anëtare të Kushtetuese me pretendimin se me zgjedhjen e saj janë shkelur procedurat dhe Kushtetuta nga KED-ja. Pas kalimit në Kuvend, Arta Vorspi ka zgjedhur të “driblojë” Presidentin e Republikës, Ilir Meta i cili shfaqi rezerva të forta për hapat që ka ndjekur KED-ja në lidhje me këtë kandidate.
A travesty of justice in #Albania unconstitutionally nominated as a constitutional judge, she chooses to swear herself in front of a notary public not the #PresidentoftheRepublic as #Constitution requires. EU must act!
— Doris Pack (@pack_doris) November 14, 2019
LEXO EDHE:
https://boldnews.al/cudira-shqiptare-arta-vorpsi-betohet-te-noterja-si-anetare-e-kushtetueses/
