Në studion e OPEN, Jamarbër malltezi deklaroi se situata me banorët e Astirit nuk është ajo që duket në sipërfaqe. Sipas tij shteti ka një fytyrë të dyfishtë. Nga njëra anë nxjerrë një VKM për dëmshpërblim me dy lekë, ndërkohë nga ana tjetër i merr taksat e larta. Malltezi dhe të gjithë të ftuarit bien dakord që unaza duhet ndërtuar.
Për Malltezin zhvillimi i qytetit nuk mund të bjerë ndesh me jetët e qytetarëve.
Ish deputeti i PD-së Klevis Balliu u shpreh në studion e emisionit Open se qeveria nuk ka denjuar asnjëherë të takojë banorët.
Ndërkohë analisti Andi Bushati u shpreh se çdo kush do të qëllonte i pari nëse do t’i shkonin në shtëpi për ta vjedhur ose t’i prishin banesën. Për Bushatin në këtë debat nuk duhet rënë në kurthin se kush qëlloi i pari, por duhet parë si çështje e grabitjes. Qeveria po i grabit të gjithë. Sipas Bushatit kjo nuk është çështje vetëm e banorëve por e gjithë shqiptarëve.
