Shtetet e Bashkuara kanë kryer sulme ajrore ndaj pozicioneve të ISIS në Libi, pas një kërkese nga qeveria e unitetit kombëtar, ka njoftuar sot Pentagoni.
Sulmet kanë goditur pozicionet e ISIS në qytetin Sirte, që konsiderohet një fortesë e të ashtuquajturit Shteti Islamik.
Kryeministri libian Fayez al-Sarraj, në një fjalim televiziv, tha se sulmet kanë shkaktuar “humbje të rënda” për ISIS.
Këto sulme ajrore janë ndërhyrja e parë e forcave amerikane, në bashkëpunim me qeverinë libiane. Pentagoni njoftoi se sulmet, e autorizuara nga presidenti amerikan Barack Obama, kanë qenë në mbështetje të forcave qeveritare për të luftuar militantët.
