Arbana Osmani në promovimin e librit të saj të dytë “Receta për 5 minuta” është shoqëruar nga partneri, Eduart Grishaj. Regjisori edhe në ditën e parë të çeljes së Panairit të Librit, i është gjendur pranë moderatores: për ta mbështetur atë, edhe profesionalisht me anë të fotove dhe videove.
Teksa Arbana firmoste autografet për blerësit e librit të saj, detyra e Eduartit ishte të ‘kapte’ me aparatin fotografik çdo moment të kësaj dite të rëndësishme për partneren e tij.
Mirëpo, përveç Eduartit, një tjetër person e ndihmonte Arbanën në tendën e librit “Receta për 5 minuta”. Dhe ajo ishte nëna e saj. Në fakt në suksese të tilla, si mund të mos jetë mami për të ndihmuar të bijën? Sado të rëndësishëm të bëhen fëmijët dhe sado njerëz të punësojnë për t’i ndihmuar, prezenca e mamit kudo është e nevojshme. Mamaja e Arbanës ishte një ndihmesë e madhe për të bijën, njësoj si çdo nënë kur vajza ka një ditë të rëndësishme në jetën e saj.
Në tendë ishte gjithashtu edhe vëllai i moderatores. Pra, me pak fjalë, në jetë për post sukseseve që mund të arrish, do të jetë gjithmonë e nevojshme mbështetja dhe ndihma e familjes.
