Ish-deputeti i PD-së, Klevis Balliu paralajmëroi këtë të enjte publikimin e provave që tregojnë se, “kush janë hajdutët dhe zaptuesit e pronave”. “Këta i quajnë banorët zaptues, sot në darkë do shihni disa prova dhe dokumenta që tregojnë se kush janë hajdutët dhe zaptuesit e pronave”, tha Balliu në një prononcim për gazetarët pas daljes nga Prokuroria e Tiranës, ku ishte thirrur për shkak se iu është bashkuar protestave të banorëve të Astirit, në mbrojte të banesave e pronave të tyre.
“Është e gabuar të thuash që nuk arritëm ti mbronim ne, apo banorët nuk mbrojtën shtëpitë e tyre, apo mediat. Banorët fituan se do dëmshpërblehen cent më cent me çmim tregu. Le të ngihet zgupthi mazhorancës, nuk do ti përçajnë. Ata që i dhunuan do shkojnë në burg, kjo s’është premtim elektoral, por kontratë e firmosur nga kreu i PD Basha me banorët dhe ne do ti qëndrojmë deri në fund”, tha Balliu.
“E gjithë PD e dimë fare mirë që në momentin që vendosëm të përballemi me sistemin totalitar të mazhorancës, ata do bënin arrestime. Ajo që na shqetëson është se disa prej qytetarëve mbetën pa shtëpi, dhuna që kanë pësuar qytetarët. Qeveria ka gënjyer dhe bregun e dytë dhe të tretin, të gjitha preken. Aty nuk ka projekt, është fantazmë, ka një zgjerim që bëhet për të ndërtuar kulla ca oligarkë”, u shpreh Balliu.
“Këta i quajnë banorët zaptues. Sot në darkë do shihni disa prova dhe dokumente që kush janë hajdutët dhe zaptuesit e pronave”, shtoi.
“S’po na çon ligji në gjykatë, por Rama”, e mbylli prononcimin ai.
