E kishin detyruar të shkonte në dhomë me ta, të zhvishej dhe më pas donin ta përdhunonin me një kastravec, duke filmuar gjithçka me celular. Bëhet fjalë për një kujdestare ukrainase, e cila për fat të mirë kishte mundur të shpëtonte.
Gruaja kishte ikur në stacionin policor në Terni, ku mes lotësh ka bërë denoncimin. Ajo ka thënë se tentativën për përdhunim me kastravec ia kishte bërë një çift shqiptarësh, burrë e grua.
Kjo ka qenë edhe arsyeja e dënimit të dy shqiptarëve, një 32 vjeçar dhe një 26 vjeçare, nga gjykata e Ternit më 12 nëntor të këtij viti. Ata janë dënuar me 3 vite e 4 muaj burg, nën akuzën e tentativës për përdhunim.
Telashet nisën për ukrainasen kur ajo, pak javë para incidentit, pranoi të fuste në shtëpi një shtetas shqiptar, tani 33 vjeç, për të ndarë shpenzimet. Me kalimin e kohës, shqiptari mori kontrollin e banesës e të gruas, duke e keqtrajtuar, duke i marrë para e ngrënë shqimet e saj, ndërkohë që edhe lejoi dy shqiptarët e tjerë të lartpërmendur të hynin e të dilnin sipas qejfit në shtëpi.
Kulmi i fatkeqësisë për ukrainasen erdhi në mars 2013, kur tre shqiptarët e morën me forcë në dhomë, ku e zhveshën, e tallën dhe e filmuan me celular teksa përpiqeshin ta dhunonin me një kastravec.
