Prej rreth një dekade Lionel Messi është në duel të drejtpërdrejtë me rivalin e tij te Real Madridi, Cristiano Ronaldo, ndërsa mendime të shumta janë dhënë lidhur me futbollistin më të mirë të të gjitha kohërave.
Këtë herë është “Ati i Shenjtë”, ai që i ka dhënë përgjigje pyetjes: Cili është më i miri në botë? Papa Françesku, kreu i Kishës Katolike dhe një tifoz i njohur i San Lorenzos, ka mbështetur hapur Leon.
“Për mua, Messi është më i mirë se Maradona dhe Pele”, është shprehur ai duke folur me një djalë të ri në një event të Ditës Botërore të Rinisë.
Për fatin e tij të keq, Messi vuajti një verë të vështirë pas sezonit të kaluar, kur u shpall kampion i Spanjës. Ai dështoi për të tretën herë radhazi të fitojë një trofe me kombëtaren e Argjentinës, duke humbur penalltinë në finalen e Kupës së Amerikës kundër Kilit.
