Një grua ndodhet në katin e tretë të banesës së saj, e cila po tentohet që të prishet mga IKMT në zonën e Astirit.
Më herët punonjësit e policisë dhe të IKMT-së kanë stakuar energjinë elektrike në banesë në mënyrë që të vijojnë me shembjen e objektit.
Derimë tani IKMT ka shembur tre objekte, ndërsa në total numri që pritet të shembet sot janë 13.
Ndërkohë numri total i personave të plagosur ka shkuar në 13, mes të cilëve 5 janë efektivë të policisë, dhe 8 të tjerë janë banorë.
Që prej mëngjesit të sotëm, IKMT dhe IMT të mbështetur nga policia, kanë nisur aksionin për shembjen e banesave te zona e Astirit. Aksioni është kundërshtuar nga banorët, të cilët janë përplasur me policinë. Shembja e banesave bëhet në kuadër të projektit për rikonstruktimin e rrugës nga Sheshi Shqiponja deri te mbikalimi pranë Pallatit me Shigjeta.
