Policia Rrugore ka arrestuar shtetasin me iniciale Ll.P., 62 vjeç, banues në Korçë, pasi ky shtetas duke drejtuar mjetin tip “Benz” (autoambulancë) ka aksidentuar shtetasen K.P., 77 vjeçe, banuese në Pogradec, këmbësore në rrugë.
Ngjarja ka ndodhur në lagjen nr.1 Pogradec, në vendin e quajtur “Ish-Banka”. E aksidentuara u transportua në Tiranë në gjendje të rëndë shëndetësore.
Materialet i kaluan Prokurorisë pranë Gjykatës së Shkallës së Parë Pogradec për veprën penale “Shkelja e rregullave të qarkullimit rrugor”.
