Pasi shpartalloi Galatasaray-n, në Ligën e Kampioneve me rezultatin 6-0, Real i Madridit u tregua i pamëshirshëm edhe ndaj Eibarit në kampionat, duke arritur ta fitojnë ndeshjen në transfertë me rezultatin 0-4.
“Los Blancos”, e filluan ndeshjen në mënyrë agresive me disa raste për shënim brenda 10 minutave të para, dhe shumë shpejt “bomberi” i skuadrës, Benzema kaloi skuadrën në avantazh në minutën e 17-të.
Vetëm tre minuta më vonë arbitri akordoi një 11-metërsh, të cilin e fitoi Eden Hazard dhe e shndërroi në gol kapiteni Sergio Ramos, ndërsa në të 29-ën pati një tjetër penallti për madrilenët, të cilën këtë herë e ekzekutoi saktë francezi Benzema, duke arritur dopietën e tij.
Në pjesën e dytë ishte Valverde që mbylli serinë e golave duke vulosur rezultatin e thellë 0-4 në favor të madrilenëve.
Me këtë fitore Reali i Madridit ngjitet në kuotën e 25 pikëve, e cila ndan tabelën e kryesimit me Barcelonën.
