Lazio është thuajse e eliminuar nga UEFA Europa League.
Ekip kryeqytetas humbi me shifrat 2-1 ndaj, Celtic, dhe mundësitë për tu kualifikuar janë shumë të vogla.
Shkak për këtë humbje, fatkeqësisht është bërë futbollisti i Kombëtares së Kosovës , Valon Berisha.
Kur rezultati ishte i 1:1, Berisha bëri një pasim të pasaktë.
Teksa po përpiqej të ndërtonte një aksion sulmues, Berisha tentoi të shpërndajë lojën nga e djathta, por ia pasoi kundërshtarit. Topi u shfrytëzua në maksimum nga skocezët që mposhtën edhe Strakoshën për të marrë një fitore që i dërgon në raundin tjetër kualifikues të Europa League.
Tanimë ekipi i Lazios gjendet në vendin e tretë me 3 pikë të grumbulluara, ndërsa vendi i dytë që mbahet nga CFR Cluj, gjendet në kuotën e 9-të pikëve, çka do të thotë që Lazio, duhet t’i fitojë të dyja ndeshjet e mbetura dhe të shpresojë në 2 humbje radhazi të ekipit rumun.
