Sevilla kishte një ndeshje të lehtë në letër ndaj Dedelanges dhe ashtu rezultoi dhe në fushën e lojës.
Ekipi spanjoll fitoi në transfertë me rezultatin tenistik 2-5, ku 4 golat e parë arriti t’i shënojë në pjesën e parë, me anë të Dabbur në minutën e 17, më pas El Haddadi shënoi 2 gola në minutat 27 dhe 33, dhe golin e katërt e shënoi përsëri Dabbur në të 36-ën.
Në pjesën e dytë ishte e njëjta situatë, Sevilla në dominim total, çka dhe solli dhe tripletën e El Haddadi në minutën e 67-të. Për tu theksuar që 2 golat e nderit për Dedelangen u shënuan nga futbollisti me origjinë kosovare, Danel Sinani në minutën e 69-të dhe në të 80-ën.
Me këtë fitore Sevilla kualifikohet e para në grup, me pikë të plota.
Ndërsa ekipi i Lazios ka marrë një humbje ndaj Celtic në minutat e fundit, e cila praktikisht e nxjerr jashtë garës për kualifikim për në raundin tjetër, pasi gjendet në kuotën e vetëm 3 pikëve, ndërsa vendi i dytë i cili mbahet nga CFR Cluj ka 9 pikë, ku kanë mbutur dhe vetëm dy ndeshje për tu luajtur.
