Reshjet e shiut nuk i kanë penguar fermerët e Myzeqesë dhe zonave të tjera të vendit të protestojnë në kryeqytet. Ashtu siç u paralajmëruar një ditë më parë, fermerët kanë nisur një protestë këtë të enjte përpara Ministrisë së Bujqësisë.
Ata fajësuan qeverinë se nuk u ka ardhur në ndihmë me politika favorizuese.
Fermerët kërkuan mes të tjerash subvencionte dhe ulje të çmimit të karburanteve. Gjithashtu shpërehen se kanë marrë goditje nga prodhimet që janë dëmtuar si pasojë e motit dhe dukurive natyrore, ndërsa nga pushteti nuk është marrë asnjë masë për tu ardhur në ndihmë.
“Me këto të ardhura jemi zhytur me kredira, vetëm emigrimi është zgjidhje”, tha për gazetarët një prej protestuesve.
Pas disa minutave protestë, Sekretari i Ministrisë së Bujqësisë ka kërkuar bisedime me një përfaqësi të fermerëve.
Kërkesat e fermerëve:
1) Subvencion i drejtpërdrejtë për njësi prodhimi tek fermeri.
2) Vlerësim e kompensim financiar me çmim dysheme në raste të humbjes së prodhimit dhe fatkeqësive natyrore.
4) Garantimi i shërbimit të ekstensionit nga ministria e bujqësisë dhe laborator analizash për produktet.
5 ) Qeveria arbitër mes palëve tregtuese-fermerë për rregullimin e tregut.
