Pas alarmit të IGJEUM se qyteti i Shkodrës mund te ketë situata përmbytjesh ka dalë në një prononcim për mediat prefekti i qarkut Shkoder Çesk Millja. Ai ka deklaruar se nuk ka asnjë problematikë dhe gjithçkla është në normalitet. Ai shprehet se qytetarët nuk duhet të shqetësohen dhe se procesi është në monitorim të vazhdueshëm.
“Situata në qytetin e Shkodrës është plotësiht normale, plotësisht e qetë pavarësisht të dhënave nga IGJEUM, i cili ka sinjalizuar se rreshje kanë qenë dhe do të jenë dhe janë rreshje normale të stinës të cilat këto rreshje deri tani nuk kanë ndikuar në jetën social-ekonomike të qarkut tonë. Stuata është normale dhe ne kemi marrë të gjitha masat dhe dua t’ju garantoj të gjithë qytetarëve dhe të gjitha institucioneve se i gjithë procesi është nën monitorim dhe nën kontroll. Pas një thatësire të gjatë që kishim ne dhe besoj se është dëshira e të gjithë qytetarëve, shpresojmë që rreshjet të jenë në këtë standard. Fierza, Komani dhe Vau i Dejës kanë filluar të punojnë normalisht në standardin e tyre ditor dhe po ta shikojmë dhe liqeni por edhe Buna kuotat janë normale të rrjedhës së tyre.” – u shpreh prefekti Çesk Milja.
