Qyteti i Korçës duket se nuk do të gjejë rehat këtë vit nga tërmetet. Në qytetin juglidor, mbrëmjen e djeshme, banorët e zonës janë alarmuar sërish pasi rreth orës 23:02 janë ndjerë lëkundje sizmike me magnitudë 3.4.
Mësohet e se epiqendra e këtij tërmeti ka qenë 17 kilometra në jug të qytetit të Korçës. Pas tij janë regjistruar dhe dy tërmete të tjerë, por më të lehtë se i pari, me magnitudë 2.0 dhe 2.3 të shkallës Rihter.
Nuk raportohet për dëme materiale apo të lënduar.
Kujtojmë se që prej qershorit, Korça është prekur shumë nga lëkundjet e tërmetit. Pas tërmetit të qershorit që pati dëme të mëdha dhe shumë banesa u dëmtuan, më 1 nëntor sërish pati një tërmet të fortë në Korçë. Tërmeti me një magnitudë 4.7 tronditi zonën e Korçës, epiqendra ishte në fshatin Miras.
