Sfida mes, Tiranës dhe Vllaznisë, e cila zhvillohet ditën e premte, ora 18:00, hap javën e 12-të të superligës shqiptare.
Në këtë sfidë, Tirana vjen me 18 pikë të grumbulluara, dhe gjendet në vendin e tretë, 3 pikë larg kryesuesve të Partizanit. Ndërsa ekipi shkodran është në kuotën e 15 pikëve, në vendin e 7-të, një pikë më shumë nga vendi i 8-të, i cili të çon një kategori më poshtë.
Atë çka e shqetëson ekipin e Tiranës, është gjendja e Edon Hasanit, i cili vuan nga një problem në rrëzën e kofshës.
Lojtari shkodran i Tiranës, dje nuk doli në stërvitje me bardheblutë, dhe nëse mungon edhe në stërvitjen e sotme, kjo do të përkthehej në një mungesë të sigurt për ndeshjen.
Gjithsesi, stafi mjekësor ka vendosur që për shkodranin të zhvillohet një rezonancë magnetike për të parë nëse ka ndonjë problem të fshehur apo thjesht një dëmtim të vogël.
