Antonio Conte ka folur me tone të ashpra për humbjen 3-2, ndaj Borussia Dortmund, mbrëmjen e kaluar.
Zikaltërit udhëhiqnin 2-0 në pjesën e parë, por në pjesën e dytë ekipi u shpërbë duke bërë të mundur kthesën e Dortmundit, duke shënuar tre gola.
“ Ishte e njëjta gjë që ndodhi me Barcelonën. Në fakt, kjo ishte më keq, pasi kishim një avantazh të dyfishtë,” tha Conte për “Sky Sport Italia”.
“Është zhgënjyese, por çfarë mund të them? Ata më thonë që duhet të buzëqesh më shumë në intervista. Duhet të flas për të njëjtat gjëra, për procesin e rritjes së skuadrës, t’i marrësh gjërat hap pas hapi”, por nuk mundem më”.
“Për pjesën e dytë as nuk ia vlen të flasësh. Më irriton dhe shpresoj që kjo humbje të ndikojë tek lojtarët ashtu siç ndikon tek mua. Jam i lodhur që them të njëjtat gjëra gjithmonë, shpresoj që një zëdhënës i klubit të vijë e të flasë në vendin tim”.
“Nuk mund të luajmë në Seria A dhe Champions League me një intensitet të tillë të lartë. Jam I nervozuar, kemi arritur limitin”.
Kjo humbje e çon Interin në vendin e katërt në grupin F, që do të thotë që ndaj Slavia Pragës, ekipit të Contes i duhet vetëm fitorja për të shpresuar për të kaluar më tej.
