Një shqiptar, i njohur si Olsingen Allkja, 47 vjeç, është arrestuar nga policia italiane, pasi për të disatën herë, është kapur duke vjedhur në kishë.
Allkja, një i papunë, rezident në Bagnatica, gjithmonë pendohej për krimet e tij të vogla në kishë, por duket se këtë radhë nuk do ti shpëtojë lehtë prangave.
Ai u kap në flagrancë në një kishë në Schilpario me një metër të vogël me zamkë të cilin e përdorte si karrem për të tërhequr kartmonedhat në kutinë e kishës, aty ku besimtarët linin lëmoshën e tyre.
Kartëmonedhat binin në grackë dhe më pas përfundon në xhepin e grabitësit. Pesë vite më parë Allkja kishte bërë të njëjtën gjë edhe në një kishë në Milano.
Që nga ajo kohë karabinierët e kishin në vëzhgim të vazhdueshëm.
