Nënkryeministri Erion Braçe përmes një postimi në rrjet thumbon tifozët dhe FSHF për ndeshjen mes Shqipërisë dhe Francës.
Braçe pyet nëse janë përgatitur për ndeshjen me Francën, të vlefshme për Euro 2020.
“A i bletë biletat për Francën? “Me të futme” apo si? Mos harroni, për ata “futbolli s’është për hallexhinj”!”, shkruan Braçe.
Disa kohë më parë zyrtari i FSHF-së, Arben Dervishaj, tha se “futbolli nuk është për hallexhinjtë”, duke justifikuar çmimet e larta të biletave në rastet e kombëtares.
FSHF ka publikuar çmimet e biletave për takimin me Francën dhe Andorën, të cilat variojnë nga 2000 deri në 7000 lekë për person. Shitja e biletave është me detyrim për të dyja ndeshjet, Francën dhe Andorën.
Nëse dikush do të jetë i pranishëm në “Arenën Kombëtare” për takimin me Francën, ai duhet të paguajë edhe biletën për takimin në Elbasan ndaj Andorrës.
Biletat më të lira për ndeshjen me Francën janë 1500 në zonën pas portës dhe kombinohen me biletat 500 lekë të ndeshjes ndaj Andorrës për një total prej 2000 lekësh.
Kosto më e shtrenjtë është ajo e biletave në vendet në tribunën karshi në ndeshjen me Francën, me kosto 5,000 lekë të kombinuara me bileta në vlerën 2000 lekë për sfidën me Andorrën
