Mungesa e lirisë së medias dhe kërcënimi i gazetarëve prej kohësh janë kthyer në normalitet në Shqipëri, për sa kohë që kërcënimet vijnë nga pushteti.
Lidhur me këtë problematikë të madhe ka reaguar edhe ish-deputetja e PD, Albana Voskshi, e cila sjell në vëmendje se deri më sot nuk ka as një person të arrestuar të cilët kanë kërcënuar dhe dhunuar gazetarët.
Sipas Vokshit kjo është një provë e qartë se urdhrat për dhunimin dhe kërcënimin e gazetarëve vijnë direkt nga zyrat e pushtetit.
Ja postimi i Vokshit:
Asnjë i arrestuar për dhunimin, kërcënimin dhe persekutimin e dhjetra gazetarëve dhe punonjësve të medias në Shqipëri.
Pandëshkueshmëria e krimeve ndaj gazetarëve prova se urdhëruesit qëndrojnë në zyrat qeveritare.
Qeveria dhe krimi mbeten kërcënuesit e mëdhenj të lirisë së medias në Shqipëri. Nga Kryeministria, Bashkia Tiranë, zyrat e qeveritarëve qendrorë e lokalë, kanë origjinën shumë sulme denigruese ndaj gazetarëve kritikë.
Me Edi Ramën Kryeministër nuk ka liri të medias, e pa liri të medias nuk ka hapje të negociatave dhe integrim të Shqipërisë ne BE.
#Asnjë hap pas për largimin e censorëve.
#Freedom Media🎙Frymëmarrja#Demokracisë🇦🇱
