Ish-deputeti i PD, Genc Pollo, e ka cilësuar hap pozitiv vendimin e KQZ për shkarkimin e kryebashkiakut të Vorës, Agim Kajmaku.
Në një reagim në rrjet ai thekson se lajmi është se deri tashni as Rama e askush nga tabori rilindist nuk tha një gjysëm llafi distancimi, ndjese, dënimi apo marrje përgjegjësie për Kajmakun.
“Në Italinë e jugut kjo njihej si omerta; dhe ishte mjeti kryesor i mafies për të dominuar shoqërinë.
Në Siçili ushtrohej nga bosët lokalë. Në Shqipërinë 2019 nga shefi i qeverisë.
Prandaj të mbledhim mendtë se heqja e Kajmakut është një gjë dhe çlirimi nga koka e mafies një tjetër gjë”, shkruan Pollo.
