Një aktore ruse është nxjerrë nga policia nga avioni, pas një sherri me pasagjerë të tjerë. Sipas “The sun”, Lidiya Velezheva, 53 vjeç filloi të bërtiste dhe të ofendonte pasagjerët e ekuipazhin pas një vonese në fluturim.
Aktorja dhe prezantuesja televizive kishte planifikuar të fluturonte nga Moska në Tel Aviv për t’u paraqitur në një shfaqje.
Avioni ishte vonuar për dy orë për shkak të problemeve teknike, dhe Velezheva ishte acaruar duke pretenduar se u mbajt në një autobus aeroporti për 20 minuta pa pallto.
Ajo filloi më pas t’u bërtiste pasagjerëve të tjerë duke i thënë: “Unë jam aktore dhe me gjasë ju jeni fshatarë sepse me gjasë e keni blerë biletën nga halli, ndërsa unë e bleva time për 2,475 paund kesh”.
Në pamjet e publikuara në mediat ajo shihet teksa shoqërohet nga avioni nga policia dhe futet në një minibus. Sipas raportimeve ajo u përplas fizikisht me pasagjerët e tjerë dhe nisi t’i fyente ata dhe stafin e avionit.
