Petrit Sinaj, ish-kryetar i Bashkisë së Beratit, ka reaguar pas deklarimeve mbi borxhin e krijuar në njësitë e qeverisjes vendore.
Kështu në ditët e fundit janë deklaruar nga zyrtarë të Rilindjes se në bashki janë gjetur shumë borxhe, përfshi këtu edhe atë të Beratit.
Por Sinaj, ka publikuar një tabelë zyrtare, ku sipas Ministrisë së Financave, renditen borxhet që ka secila bashki.
Referuar tabelës, Bashkia e Beratit nuk përfshihet fare mes njësive të qeverisjes vendore që kanë probleme.
Lista kryesohet nga Bashkia e Tiranës, e drejtuar nga Erjon Veliaj, më pas vijohet me Pogradecin, Kavajën, Vlorën dhe Durrësin.
Referuar renditjes, me përjashtim të Pogradecit që drejtohej nga një përfaqësues i opozitës aktuale, bashkitë e tjera me probleme lidhur me borxhin janë drejtuar nga socialistët.
