Reali i Madrid zhvilloi mbrëmë ndeshjen më të mirë të sezonit, duke siguruar një fitore me rezultatin e thellë 5-0 ndaj Leganes.
Ishte një ndeshje mjaft e mirë në të gjitha repartet për ekipin e drejtuar nga Zidane, dhe një hap i rëndësishëm për të lënë pas problemet që kanë pasur deri më tani.
Ndeshja u zhbllokua shumë shpejt në minutën e 7-të me anë të Rodrygo. Ndërsa vetëm një minutë më vonë, Kroos arriti të shënojë golin e dytë, duke e bërë ndeshjen më pas vetëm një formalitet, pas dy golave të ardhshëm të shënuara me 11-metërsh, nga Sergio Ramos dhe Karim Benzema. Për tu theksuar është dhe goli i parë i sezonit nga Jovic në minutat shtesë të ndeshjes.
Me këtë fitore, madrilenët ngjiten në vendin e dytë në kuotën e 21 pikëve, një më pak se kryesuesit e Barcelonës.
