Tre persona dyshohet se kanë tentuar të përdhunojnë një vajzë italiane në Elbasan, teksa ajo po kthehej në mbrëmje në shtëpi.
Ngjarja e rëndë i ka ndodhur një vajze italiane, e cila është pjesë e programit të shkëmbimit të studentëve Erasmus.
Vajza nga Carpino, provincë e Foggias ka denoncuar tentativën për përdhunim nga tre persona në qytetin e Elbasanit. Ngjarja besoshet se ka ndodhur ditët e fundit por nuk dihet me saktësi se kur.
Ajo ka rrëfyer se teksa po kthehej në shtëpi, i është afruar një makinë brenda së cilës ndodheshin tre persona.
Të tre kanë filluar ta ngacmojnë dhe ofendojnë studenten italiane, ndërsa më pas një prej tyre ka dalë nga makina dhe e ka ndjekur. Pasi e ka kapur ai e ka hedhur vajzën në tokë.
“Pasi më hodhi në tokë më hipi sipër dhe nisi të më prekte, tentoi të më hiqte bluzën por kisha një body të cilën ia dorëzova policisë. Pak para tentativës për të më përdhunuar unë telefonva policinë shqiptare, por ata nuk ndërhynë. Kjo është një traumë. Kjo është ajo çka ndodh kur zbatimi i ligjit nuk funksionon. Nuk më përdhunoi vetëm për një arsye, ai dëgjoi zhurma dhe u tremb. Burri ishte 36-vjeç,” rrëfen studenjta italiane.
Më tej ajo vijon duke thënë “9 në 10 përdhunime këtu nuk denoncohen sepse kanë frikë pasi policia nuk bën detyrën e saj.
/Newsbomb.al/
