Në muajin nëntor, kombëtarja Shqiptare do të rikthehet në fushën e blertë, në dy ndeshjet ndaj Andorrës dhe Francës, respektivisht në Elbasan, dhe në stadiumin e ri kombëtar.
Nuk përjashtohet mundësia, që në këtë grumbullim të ardhshëm të ketë risi në listë, duke afruar lojtarë premtues.
Sipas “Panorama Sport”, një emër që qarkullon është lojtari e akademisë së Çelsit, Armando Broja.
Futbollisti i akademisë së Çelsit, i cili është aktivizuar me të gjitha ekipet e moshave, pritet që të ketë një ftesë nga Kombëtarja A, për t’u provuar me gjasë ndaj Andorrës. Forma e tij mjaft e mirë me moshat e bluve të Londrës ka bërë që trajneri i Kombëtares të kërkojë përforcime nga ekipet kuqezi.
