Jose Mourinho ka mundësinë për tu bërë trajneri i parë që fiton trofe të rëndësishëm, me tre klube të ndryshme në kampionatin anglez.
Mourinho është duke pritur për skuadrën e duhur përpara se të bëjë rikthimin e tij, pas largimit nga Manchester United vitin e kaluar.
Qëndrimi në “Premier League” është një opsion që i intereson pasi mund të ndërtojë një trashëgimi të madhe në futboll.
Asnjë trajner nuk ka fituar, kampionate dhe trofe Evropiane për tre klube të ndryshme në Angli më parë, dhe nëse Mourinho e realizon këtë, statusi i tij në histori do të ishte e vështirë për tu injoruar.
Me Unai Emery nën një presion shumë të madh te Arsenali, është pikërisht ky klub që së shpejti mund të jenë në kërkim të një trajneri të ri, dhe “Special One”, do të ishte i përshtatshëm për këtë post duke njohur lojën defensive të tij, që është pikërisht ajo që i mungon Arsenalit.
Një tjetër opsion në “Premier League” është dhe Tottenham Hotspur, me Mauricio Pochettino që duket se do të ndryshojë ambient.
