Një shtetas shqiptar 38-vjeç në Itali teksa po kalonte rrugën me biçikletë është përplasur nga një automjet dhe për pasojë ka humbur jetën.
Ai u godit nga automjeti që drejtohej nga një grua, në rrugën bregdetare që lidh Giovinazzo me Molfetën.
Autorja e aksidentit ka lajmëruar menjëherë ambulancën, por perpjekjet kanë qënë të kota.
Sipas mediave italiane, viktima ishte babai i tre fëmijëve dhe ishte zhvendosur në shtetin fqinj për të siguruar më shumë të ardhura. Ndërkohë gruaja është ndaluar nga karabinierët dhe policia ka nisur menjëherë hetimet mbi shkaqet e aksidentit tragjik.
