Presidenti i SHBA-së, Donald Trump, ka publikuar në rrjetin social “Twitter”, foton e një qeni i cili mori pjesë në aksionin ndaj liderit të ISIS, Abu Bakr al- Baghdadi.
Qeni i racës, “Belgian Malinois”, i cili u plagos kur Baghdadi shpërtheu jelekun vetëvrasës, u cilësua nga Trump, si “i mrekullueshëm”.
Gjithashtu Trump, tha që ka zbuluar pamjen e qenit, por jo emrin e tij.
Të dielën, presidenti i SHBA-së, e lavdëroi qenin si të bukur, të talentuar, dhe se kishte ndjekur Baghdadin pak para se ai të shpërthente jelekun.
Qeni ka pësuar disa dëmtime të lehta dhe është trajtuar nga personeli ushtarak amerikan.
“Ushtria amerikane, zakonisht e përdor këtë racë qeni, për të udhëhequr dhe ruajtur trupat, për të kërkuar forcat armike dhe të kontrollojë për eksplozivë. Raca është e shquar për inteligjencën e lartë dhe aftësinë për të qenë agresiv me komandë”, tha Ron Aiello, presidenti i shoqatës të qenve të luftës së Shteteve të Bashkuara.
