Afrika gjithmonë ka qenë konsideruar si djepi i njerëzimit, por shkencëtarët teksa kërkonin për një vend më specifik, e kanë ngushtësuar territorin, duke zbuluar Botswana-n veriore si atdheun e të gjithë njerëzve modernë, sipas një studimi të ri.
“Atje, në jug të Pellgut të Lumit të Madh Zambezi, i cili përfshin Botswanë-n veriore dhe pjesë të Namibia dhe Zimbabve, paraardhësit e Homo sapiens filluan 200,000 vjet më parë,” – thanë studiuesit.
Studimi i tyre i ri, i publikuar ditën e djeshme në revistën e famshme “Nature”, sygjeron që paraardhësit e njerëzve modern “lulëzuan” për rreth 70.000 vjet në këtë rajon, para se ndryshimet klimatike i detyruan ata të largoheshin nga Afrika, ku gradualisht u shpërndanë në të gjithë globin.
Më parë, disa prova fosilesh, sugjeronin që njerëzit modern e kishin origjinën në Afrikën lindore, ndërsa provat e ADN-së në këtë studim të ri vërtetojnë Afrikën jugore, atje ku Botswana ndodhet.
Ka qenë e qartë për disa kohë, që në pikëpamjen anatomike njerëzit modern u shfaqën në Afrikë rreth 200.000 mijë vjet më parë. Por ajo që ka hapur debat ka qenë vendndodhja e saktë e kësaj shfaqje dhe shpërndarja pasuese e paraardhëseve tanë.” – tha Vanessa Hayes, autorja kryesore e studimit, në Institutin e Kërkimeve Mjekësore në Universitetin e Sidney-t.
Për të gjetur kapsulën e tyre kohore të 100,000 viteve të para të njerëzve modernë, studiuesit përdorën ADN-në për të bashkuar të kaluarën.
Ata punuan me komunitetet lokale në Namibia dhe Afrikën e Jugut për të mbledhur mostra gjaku.
“ADN-ja mitokondriale vepron si një kapsulë kohore e nënave tona stërgjyshore, duke grumbulluar ndryshime ngadalë me breza,” tha Hayes. “Krahasimi i kodit të plotë të ADN-së, ose mitogjenit, nga individë të ndryshëm jep informacione se sa të lidhura janë ato.”
Kjo siguroi një katalog të më shumë se 1.000 mitogjeneve, përfshirë këtu edhe prejardhjen L0, popullsitë më të hershme të njohura moderne njerëzore. Mostrat gjithashtu ndihmuan studiuesit për të gjetur nëndegë të rralla dhe të reja të kësaj linje.
“Ne bashkuam 198 mitogjene të reja, të rralla në bazën e të dhënave aktuale të popullsisë më të hershme të njohur të njeriut modern, prejardhjen L0. Kjo na lejoi të përsosim pemën evolucionare të degëve tona më të hershme stërgjyshore më mirë se kurrë më parë”, – tha Eva Chan, autore e studimit nga Instituti i Kërkimeve Mjekësore Garvan.
