I ftuar në Syri Tv, Agron Duka, kreu i Partisë Agrare Ambientaliste, ndër të tjera tha se vendi sot është jo vetëm në një krizë politike por edhe ekonomike të thellë.
‘Pavarësisht se Europa u tregua e padrejtë me Maqedoninë, ata sërish shkuan në zgjedhje të parakohshme. Gjë që nuk ndodh këtu. Ky ça bën. Ky imiton Dash Shehim. Dhe ky e përqesh, as nuk e imiton. E imiton thjesht se është opozitar. Ky është turp.
Dhe kë përqesh Dash Shehin që jeton në një kat të pestë të një pallati të kohës së Enverit. Pse e keqja nga Dash Shehi e gjen Shqipërinë. Ky nuk mund ta thotë që nuk ka krizë.
Kjo u tha edhe nga Budestagu. Kurse ky me një cilësi qeverisje për tu dëshiruar, me 60 bashki ne duart e një partie, nuk mund të ketë qeveri normale. Kjo quhet krizë politike që ka derivat krizë ekonomike.
Ky ka përqëndruar zhvillimin e ekonomisë në duart e pak bizneseve nëpërmjet PPP-ve të famshme. Ku shqiptarët duhet të paguajnë edhe pas 20 viteve.
Përveç kësaj ka një krizë politike, ka edhe krizë ekonomike. Nga 120 mijë biznese që ka Shqipëria është përqafuar në një dorë njerëz. Kjo gjendje nuk pyet sa të gatshëm janë Basha po Rama.
Kjo gjendje po majiset shumë. Kjo kërkon një zgjidhje politike sa më të shpejtë. Populli thotë uluni zgjidheni krizën, nuk më duhet kush e zgjidh’, tha Agron Duka.
