Një zjarr i përmasave të mëdha ka përfshirë një sipërfaqe me pisha në zonën e Pezës, ndërsa në vendin e ngjarjes ndodhen 3 automjete zjarrfikëse dhe një helikopter i ushtrisë.
Nuk dihet nëse zjarri është vendosur nga ndonjë piroman, pra është i qëllimshëm, apo për shkak të kushteve të motit dhe temperaturave të larta.
Drejtori i Shërbimit Zjarrfikës, Shkëlqim Goxhaj ka deklaruar se po bëjmë gjithçka për të vënë nën kontroll flakët, pasi forcat zjarrfikëse janë angazhuar për shuarjen e zjarrit.
Ndërkohë raportohet se në zonën e përfshirë nga zjarri dëgjohen plasje fishekësh.
