Edhe pse jemi në ditët e fundit të muajit tetor, moti vijon të na surprizojë me temperatura verore deri në 30 gradë celsius. Por si do të jenë ditët e para të muajit nëntor?
“Meteoalb” njofton se ditët e para të nëntorit do të shoqërohen me një rënie të ndjeshme të temperaturave, deri në 6-7 gradë, si dhe do ketë reshje.
“Moti në vijim: kjo fundjavë mbetet me kthjellime, por e freskët, kryesisht në orët e para të ditës dhe vonë në mbrëmje. Edhe java tjetër nis e kthjellët me rënie graduale të temperaturave, por të mërkurën dhe në vijim ditët e para të nëntorit, priten reshje në territor. Po ashtu, temperaturat vijojnë të ulen duke shënuar rreth 6-7°C më pak, se vlerat e kësaj fundjave”, thuhet në njoftimin e “Meteoalb”.
