Ish-kryeministri Sali Berisha, i ftuar në ‘Zonë e Lirë’, ka komentuar edhe zgjedhjet në Kosovë si dhe ka dhënë opinionin e tij për Albin Kurtin.
Berisha e vlerësoi Kurtin si një politikan karriere, i cili i vetëm bëri të mundur të fitojë zgjedhjet. Berisha e quajti Kurtin një ‘Kafshë Politike’.
‘Unë mendoj se në skenën politike shqiptare Albin Kurti, është një politikan me një fibër të fortë politike. Albin Kurti është ‘Kafshë politike’. Ka arritur krejtësisht me talentin, vendosmërinë, instinktet për dy herë radhazi të dalë partie e parë pa ndihmën e ndonjë njeriu. Sëbashku me Vjosa Osmanin e LDK-së ata u mandatuan të qeverisin sëbashku unë e kam vlerësuar këtë si ndryshim historik, dhe kam deklaruar atë natë se Fitoi Kosova dhe se këto ishin zgjedhje historike. Cipras është rritur në krahët e një miliarderi, kurse Kurti mbështetës kryesor ka patur Adem Demaçin. Kurti ka një karrierë politike të gjatë, a do të ketë të tjerë me karrierën e tij, kjo varet. Ai është i faktuar në burgje, protesta, demonstrata’, u shpreh Berisha.
