Avokati Ledio Braho e ka cilësuar antikushtetues vendimin e marrë sot nga KLP për të ngritur SPAK-un me 8 anëtarë ndërsa dy anëtarë të tjerë do të jenë të komanduar dhe do të dalin nga lista me 15 kandidatët e listuar po nga vetë KLP.
Në një intervistë për Faxweb, avokati Braho ka theksuar se vetë ligji për SKAK është i qartë, kur thotë se kjo strukturë duhet të jetë e përbërë nga 10 anëtarë.
Edhe për variantin 8 +2 Braho theksoi se kemi të bëjmë sërish me shkelje të ligjit, pasi në ligjin e prokurorisë thuhet qartë që prokurorët e komanduar mund t’i bashkohen SPAK vetëm në rast se struktura është e plotë, dhe në rast se ka nisur hetimi i një dosjeje, pra vetëm në rastin kur ka dosje konkrete.
‘Është antikushtetuese, sepse numri anëtarëve të SPAKU-t përcaktohet në Kushtetutë, është neni ‘148 DH’ i Kushtetutës, që përcakton se duhet të jenë sëpaku 10 prokurorë për krijimin e SKAK. Ndërkohë që sot prokurorët të cilët kanë qenë pjesë e renditjes nga vetë KLP-ja të cilët janë konfirmuar dhe me vendim të formës së prerë sa i përket vettingut, janë vetëm 8. Sot janë dy prokurorë më pak. Ndërkohë që KLP kishte vendosur që krijimi i SPAK do të bëhej brenda muajit nëntor, pra në 40 ditshin e ardhshëm. Në qoftë se do të përdoret skema që po përflitet 8+2, i bie që dy prokurorët që do përcaktohen me komandim, që dhe kjo është antiligjore, do të jenë dy prokurorë që kanë pjesë pjesë e renditjes përfundimtare që ka bërë vetë KLP sa i përket kandidimeve që ka qenë një listë me 15 prokurorë, dhe sa i përket dy prokurorëve edhe kjo do të jetë një listë antiligjore, pasi ligji e ka të përcaktuar se kur prokurorët mund të komandohen në SPAK. I vetmi rast është kur SPAK-u është i krijuar dhe në rast të një dosjeje voluminoze është e mundur që drejtuesi i SPAK ti drejtohet KLP-së për të përcaktuar prokuror tjetër jashtë SPAKU-t. Pra që të arrihet deri në këtë pikë duhet që SPAK të jetë i krijuar, të ketë nisur hetimi për dosjen dhe të jetë dosje konkrete, jo të bëhet komandimi apriori siç pretendohet në këtë rast. Pra kemi të bëjmë një shkelje flagrante të ligjit sa i përket vendimit që kemi parë sot në media të KLP-së’, theksoi avokati Braho.
Gjithashtu avokati evidentoi edhe një tjerët shkelje të KLP+së sa i përket SPAK. Sipas tij KLP ka shkelur sërish ligjin duke përcaktuar drejtuesin e SPAK deri na hartimin e rregullores, pasi vetë ligji e përcakton se drejtuesi i SPAK zgjidhet nga vetë prokurorët që janë pjesë e strukturës.
‘Rasti tjetër është se KLP do të përcaktonte dhe drejtuesin e SPAK deri në hartimin e rregullores nga vetë SPAK, edhe kjo është antligjore, pasi vetë ligji për prokurorinë thekson se drejtuesi i SPAK do të zgjidhet nga radhët e anëtarëve që janë pjesë e saj. Pra janë vetë prokurorët që e zgjedhin me një mandat 3 vjeçar pa të drejtë rizgjedhjeje’, u shpreh Braho.
