Të mërkurën, në orët e para të mëngjesit me orën tonë, nisi kampionati më i fortë i basketbollit në botë, NBA.
Çifti i ndeshjeve mes kampionëve në fuqi të Toronto Raptors dhe New Orleans Pelicans, Los Angeles Clippers-Los Angeles Lakers hapën siparin e sezonit të ri.
Një rivalitet i jashtëzakonshëm midis skuadrave, Lakers- Clippers, pritet të shoqërohet gjatë gjithë vitit, pasi Clippers kanë afruar në gjirin e tyre binomin, Kawhi Leonard-Paul George, ndërsa Lakers, bashkuan Anthony Davis me LeBron James.
Kjo ligë është gjithnjë e më e pasur në lidhje me pagat. Në sezonin që filloi (në bazë të situatës aktuale të ekipeve), pagat kapërcejnë pragun prej 3 miliardë dollarësh, duke arritur në kuotën 3,7 miliardë dollarësh.
Skuadra që shpenzon më shumë është Portland Trail Blazers (145 milionë dollarë), ndjekur nga Golden State Warriors dhe Houston Rockets. Në fund të klasifikimit Atlanta Hawks, që shpenzojnë 104 milionë dollarë.
Çdo skuadër shpenzon mesatarisht 125,7 milionë dollarë. Një skuadër shpenzon mesatarisht 125,7 milionë dollarë. Kjo shifër është më e lartë se kufiri i salary cap* – 109,1 milionë dollarë, por gjithsesi bëhet fjalë për një soft cap. Shoqëritë mund ta kapërcejnë këtë shifër, dhe të arrijnë deri te pragu maksimal prej 132,6 milionë dollarësh – nëse e kalojnë këtë prag, janë të detyruara të paguajnë një taksa luksi.
