Opozita shqiptare e ka konsideruar provokim mundësinë për të mbledhur seancën plenare ditën e enjte e për të miratuar ligjin e vettingut, në kuadër të reformës në drejtësi.
Në një intervistë për Abc News, deputeti demokrat Oerd Bylykbashi tha se socialistët po kërkojnë konflikt të ri me thirrjen që i bëjnë Komisionit të Posaçëm për tu mbledhur nesër, para seancës të së enjtes.
Bylykbashi shpjegoi se ndryshimet kushtetuese që u miratuan me 140 vota duhet të botohen më parë në Fletoren Zyrtare. “Më pas duhet të kalojnë 15 ditë që ato të hyjnë në fuqi. Më herët, nuk mund të shqyrtohen ligje që nuk kanë bazë kushtetuese, u shpreh deputeti demokrat.
“LSI nuk do t’i bashkohet socialistëve në këto procedura” tha Bylykbashi.
