Aktorët e Teatrit Kombëtar kanë mbajtur sot një shfaqje në oborrin e godinës. Në videon e mëposhtme shihet një prej skenave të veprës “Jul Çezari”. Të shtrirë dhe gjysmë të zhveshur aktorët shihen në skena erotike.
Kjo video është publikuar edhe nga mediat pranë qeverisë, të cilat e kanë paraqitur si seks real këtë skenë dhe jo si shfaqje.
“Ka edhe seks live, të cilin dy “artistët” e bëjnë në mes të rrugës, si qentë,”- shkruhet në një prej artikujve të një prej mediave pranë kryeministrit Edi Rama.
Por kjo është thjesht një shfaqje e njërës prej veprave të shumta, që artistët e Teatrit Kombëtar kanë zgjedhur të luajnë në oborrin e godinës.
Në këtë mënyrë aktorët tregojnë se vijon rezistenca e tyre kundër shembjes së godinës së Teatrit Kombëtar.
Kryeopozitari Lulzim Basha ka nënshkruar me artistët një marrëveshje ku theksohet se Teatri Kombëtar do të shpallet monument kulture. Nga ana tjetër, Rama dhe Veliaj shfaqen të vendosur se kjo godinë do të shembet.
