Janë luajtur tre ndeshje nga jave e nëntë dhe e fundit për këtë fazë e Kategorisë Superiore dhe me atë çfarë vemë re deri tani janë rezultatet surprizë javë pas jave dhe se me atë çfarë skuadrat kanë treguar në fushë deri në këtë pikë të kampionatit, është e vështirë të thuhet se kush mund të triumfojë në fund.
Bylis e vërtetoi edhe në ndeshjen e sotme se mund të quhet pa asnjë pikë dyshim si “Hirushja” e Kategorisë Superiore në këtë sezon që po luhet. Ballshiotët arritën të triumfonin me rezultatin 3-1 përballë Tiranës, një ndër ekipet pretetndente për titull këtë sezon. Vendasit shënuan me anë të Goxhajt dhe Guindos në pjesën e parë. Dunga ngushtoi diferencën në pjesën e dytë, por në fund vendasit vulosën gjithçka me anë të Celis. Pas kësaj fitore ballshiotët ngjiten provizorisht në vendin e parë me 16 pikë.
Kukësi ka shpërthyer ndaj Luftëtarit. Ekipi i Shpëtim Duros fitoi me rezultatin 4-1. Ethemi, dy herë Shkurtaj dhe Rroca ndëshkuan bluzinjtë. Miqtë ishin të pafuqishëm për të reaguar.
Laçi i ka dhënë një shkelm të fortë Teutës duke fituar me rezultatin 3-0. Cungu merr fitoren e parë falë sulmuesit Kyrian Nwabueze që shënoi dy herë në pjesën e parë. Xhixha i vendosi kapak sfidës me një gol në pjesën e dytë.
Aktualisht është duke u luajtur sfida Flamurtari-Vllaznia me rezultatin momental 0-1, ndërsa ditën e nesërme luhet supersfida Partizani-Skënderbeu e cila mbyll fazë e parë të Superiores për këtë sezon.
