Dy persona janë vënë në pranga në Sarandë mbrëjen e djeshme, pasi në makinën me të cilën lëviznin, janë gjetur dhe sekuestruar 26 kilogramë kanabis, konfirmoi policia.
Operacioni “Çuka” nisi pas informacioneve të marra në rrugë operative. Në kuadër të këtij operacioni, në ndjeke e sipër u bë bllokimi i një automjeti tip Benz në vendin e quajtur “Ura e Çukës” Sarandë, i cili dyshohej se transportonte lëndë narkotike.
Menjëherë pas kontrollit të ushtruar në këtë automjet, në pjesën e bagazhit është gjetur dhe sekuestruar një sasi lënde narkotike prej 26 kilogram e dyshuar e llojit kanabis sativa.
Në vijim të veprimeve proceduariale, Policia ka arrestuar në flagrancë dy shtetasit që ndodheshin në mjet S.H., 47 vjeç dhe J.Xh., 30 vjeç, me banim në Ksamil, si autorë të veprës penale “Prodhimi dhe shitja e narkotikëve” kryer në bashkëpunim, njoftoi policia.
