Dëmtimi i mbrojtësit të Bayern Munich, Niklas Sule, i cili me shumë gjasa nuk do të rikthehet të luajë më këtë sezon, detyron Bayern të kërkojë zëvendësimin e tij.
Klubi bavarez pritet të rikthehet te një pistë e vjetër, Samuel Umtiti, një lojtarë që e kanë kërkuar edhe më parë, por tanimë duke parë dhe situatën në të cilën ndodhen, tratativat për ta afruar atë do të jenë më konkrete. – bëhet e ditur nga gazeta spanjolle “Don Balon.”
Shifra që përflitet nga ky raportim është rreth 60 milion euro, dhe mund të realizohet që në hapjen e merkatos së janarit.
Bayern tenton të përfitojë edhe nga fakti, që mbrojtësi francez nuk është zgjedhje e parë të Barcelona, ku do të luante menjëherë si titullar në skuadrën gjermane.
