Reali i Madritit do të përballet natën e sotme, në javën e tretë të ndeshjeve në grupe në “Champions League”, me Galatasarayn, dhe presioni mbi ta është shumë i madh.
“Los Blancos”, duhet ende të regjistrojnë një fitore në këtë kompeticion, pasi humbi ndaj PSG dhe barazoi në shtëpi me Club Brugge. Një humbje në këtë ndeshje, do të bënte që skuadra të rrezikonte seriozisht kalimin e grupit.
Gjithsesi edhe Galatasaray ndodhet në pozita të njëjta me Realin e Madritit, pasi të dyja skuadrat kanë grumbulluar vetëm 1 pikë në 2 ndeshje.
Mbrëmjen e sotme do të zhvillohen 8 ndeshje, ku faza e grupeve do të marrë dhe rrjedhën e saj, ku do të shihen edhe pretendentët që do të kërkojnë kalimin më tej.
