Dashamir Shehi tha në emisionin 360gradë në Oranews se ne duhet të shikojmë njëherë veten, pastaj të bëjmë komente për Europën. Shehi tha se me kaq shumë zullume sa kemi bërë ne duhet të heqim termin që Europa është treguar e pandershme me ne.
Shehi tha se kemi dy faktorë, njëri që na takon ne, pra detyrimet tona, dhe së dyti është situata që ka Europa.
“Më shumë se për të fituar pike opozita apo qeveria, shqiptarët duhet të ndërgjegjësohen me ato qe kanë ndodhur, pra pse disa shtete janë treguar me shumë refraktare dhe kush i shtyn. Fajin kryesor brenda vendit e ka Rama se ka 6 vjet që qeveris. Ne merremi sot me Makronin, ndërkohë që Merkel i ka vënë 9 kushte, dhe ne nuk flasim për to. Tani po përdorin Makronin për zhurmën që i duhet Rilindjes. Çfarë tha Makron? Unë këto njerëz nuk i dua në oborrin e shtëpisë, dhe në anën tjetër na bëri nderin që bashkë me ne la jashtë edhe Maqedoninë, se po të kishim ndenjur vetëm ne, do na ishte mbyll dera përgjithmonë. Kushtet e Gjermanisë nuk realizohen për 9 muaj, duhen disa vjet. Pse na i vuri Gjermania këto kushte? Sepse ne si kemi bërë punët siç duhet. Rama ka kapur të gjitha institucionet, përfshi edhe Akademinë e Shkencave. Ky donte të kapte Rektoratin e Tiranës, madje dhe FSHF. Enver Hoxha po të ishte gjallë do ishte moderuar, kur Rama qeveris si Enveri i dikurshëm”, tha Shehi.
