Briken Calja, Kampioni në Peshëngritje ka denoncuar një tjetër skandal, pasi akuzoi insitucionet përkatëse se nuk i kishin dhënë shpërblimet e merituara për medaljet e fituara.
I ftuar në emisionin “Vizioni i Pasdites”, Calja që mban titullin “Kampion” në Europë është shprehur se prej 15 vitesh nuk është i siguruar.
“Unë jam i pa siguruar! Kam 15 vite në ekipin kombëtar nga viti 2005 deri më tani unë nuk kam qoftë edhe një ditë të siguruar. Punoj në të zezë. Imagjinoni përfaqësoj Shqipërinë. Kam sjellë medalje dhe rezultate të cilat nuk i ka arritur askush më pare,”- tha Brikeni.
Calja shtoi më tej se për mungesën e shpërblimeve në lidhje me medaljet e marra, ka informuar edhe Kryeministrin Rama dhe se ky i fundit i ka thënë se do të merret personalisht me rastin e tij.
